Kikosi cha wanarambaramba Azam FC jioni ya leo kimefanya mazoezi yake ya kwanza toka walipotoka kupokea kichapo cha mabao 2-1 kutoka kwa wapiga debe Stand United siku ya Jumapili katika mfululizo wa ligi kuu soka Tanzania Bara.
Azam ambao wamerejea jana wakitoka Mkoani Shinyanga wameanza mazoezi hayo wakiwa katika maandalizi ya kucheza na wanalizombe Majimaji mchezo ambao utafanyika katika uwanja wa Azam Complex Mei 11, 2018.
Michezo mitano ya Azam Iliyopita
 
1 - 3Uhuru Young Africans SC vs Azam FC |
4 - 1Azam Complex Azam FC vs Tanzania Prisons |
2 - 0Azam Complex Azam FC vs Majimaji FC |
2 - 1Kambarage Stand United vs Azam FC |
0 - 1Manungu Mtibwa Sugar vs Azam FC |
Michezo Mitano ya Majimaji Iliyopita
1 - 1Majimaji Majimaji FC vs Simba SC |
3 - 2Namfua Stadium Singida United vs Majimaji FC |
2 - 0Azam Complex Azam FC vs Majimaji FC |
0 - 0Majimaji Majimaji FC vs Mtibwa Sugar |
3 - 1Majimaji Majimaji FC vs Ruvu Shooting |
Akizungumza na mtandao huu, afisa habari wa Azam FC Jaffary Idd Maganga amesema wanajua ugumu wa mchezo huo na ugumu wa timu ambayo wanaenda kukutana nayo na ndio maana wameanza mazoezi hayo mapema ili kukusanya alama tatu.
“Tumeanza mazoezi rasmi kujiandaa na mchezo wetu unaofuata dhidi ya Majimaji ya songea, kwa hiyo walimu wanaiandaa timu kuanzia leo kwani Majimaji ni moja ya timu bora Tanzania Bara licha ya kwamba matokeo yao sio mazuri sana, inahangaika isishuke daraja, kwa hiyo unapokutana na timu kama hizi mchezo unakuwa mgumu,” Maganga amesema.
Baada ya kichapo kutoka kwa Stand United, Azam wameendelea kuikamatia nafasi ya pili wakiwa na alama 49 huku wakiwa wameshacheza michezo 27, ili hali Majimaji wao ambao wamecheza michezo minne bila kupoteza wanashika nafasi ya 13 wakiwa na alama 24.
