Yanga SC, wameondoa rekodi ya kutopata ushindi katika michezo 9 iliyopita kufuatia kupata ushindi wa bao 1-0 dhidi ya Mbao FC, katika mchezo wa ligi kuu ya Vodacom Tanzania bara uliopigwa kunako uwanja wa taifa Dar es salaam
Bao pekee katika mchezo huo, lilifungwa na kiungo raia wa Zimbabwe Thaban Scara Kamusoko kwa njia ya faulo mnamo dakika ya 25, ya kipindi cha kwanza
Matokeo hayo, yanaifanya Yanga kufikisha alama 51, na kuendelea kusalia kunako nafasi ya tatu huku Azam FC, wakiwa nafasi pili wakiwa na alam 55
Kabla ya ushindi wa leo, Yanga ilikuwa imepoteza mechi nne mfululizo katika ligi ikiwa ni dhidi ya Simba, Prisons, Mwadui FC na Mtibwa sugar
Ratiba inaonesha mchezo unaofata kwa Yanga wataikaribisha Azam FC, kunako uwanja wa taifa jijini Dar es salaam, hivyo kwa matokeo ya leo yamekuwa kama salamu kuelekea katika mchezo huo na Wanarambaramba hao.
